தமிழுக்கு அமுதென்று பேர்

காதலின் அழகு ஊடல் என்பேன்,
எம்மொழியின் அழகு அது தரும் நிறைவு என்பேன்,
காதலின் நொடிகள் காற்றினில் நிறைந்தும்,
இம்மொழி மேல் புதுக்காதல் கொண்டது ஏனோ?

பன்மொழி வாழ்வில் பயிலும் போதும்,
இம்மொழியின் இனிமையை எங்கே காண்பேன்?
தேசம் பல சென்று வசிக்க நேரின்,
இம்மொழியினை ஸ்வாசமாய் ருசிக்க இயலுமோ?

எம்மொழியின் நடையில் ஒரு அழகை கண்டேன்,
இம்மொழியின் மேல் தீராக் காதல் கொண்டேன்,
இருளும் இங்கே இரவினில் நிறைய,
இம்மொழியின் ஓளி என்றும் மனதினில் நிறையும்!
- ஷங்கர்